Azərbaycan hökumətinə təşəkkür edirəm ki, Somalidən olan tələbələrə öz təhsil müəssisələrində təqaüd ayırır. Bizim müdafiə və təhlükəsizlik sahəsində də gözəl əlaqələrimiz mövcuddur.

Bu sözləri Somalinin xarici işlər və beynəlxalq əməkdaşlıq naziri Abdisalam Abdi Ali iyulun 26-da Azərbaycanın xarici işlər naziri Ceyhun Bayramov ilə keçirdiyi birgə mətbuat konfransı zamanı söyləyib.

O bildirib ki, Azərbaycan Somaliyə neft və enerji sektorunda da dəstək verir.

Nazir, həmçinin qeyd edib ki, Somali Azərbaycanın “ASAN xidmət” təcrübəsini həyata keçirmək üçün tədbirlər görür.