Stokholm şəhəri iki mühüm problemin - böhran və müharibə zamanı ərzaq təminatı və qeyri-qanuni zibil atılmasının həllinə yönəlmiş yeni innovativ layihəyə başlayır.

Layihə “Bloomberg Philanthropies” qlobal təşkilat tərəfindən maliyyələşdirilir. Hansı ki, şəhərə təxminən 9 milyon kron (870 min dollara yaxın) ayırıb - Stokholm bu cür dəstəyi alan yeganə İsveç şəhəri olub.

Əsas təşəbbüslərdən biri də binaların damında şəhər əkinçiliyinin inkişafıdır. Şəhər Maliyyə İdarəsinin rəhbəri Karin Vanneqordun sözlərinə görə, şəhərdə kənd təsərrüfatına yararlı torpaqlar az olsa da, konteynerlərdə qida məhsullarını yetişdirmək üçün istifadə edilə bilən çoxlu damlar var.

“Tarlalarda və çəmənliklərdə yetişdirilə bilən damlarda yetişdirilə bilməz, lakin biz konteynerlərdə qida məhsullarını yetişdirə bilərik. Paris kimi bir çox Avropa şəhərləri artıq bu sahədə böyük uğurlar qazanıb”, - deyə o vurğulayıb.

Norra Djurgårdsstaden rayonu bu təcrübə üçün pilot zonası olacaq.

İkinci məqsəd təkrar emal məntəqələrinə yaxın ərazidə tullantıların qanunsuz atılması ilə mübarizədir. Səlahiyyətlilər problemin səbəblərini araşdırmaq, vətəndaşlar arasında maarifləndirməni artırmaq və tullantıların çox vaxt atıldığı yerlərdə videomüşahidə kimi texnologiyalardan istifadə etmək niyyətindədir.

Yaradılan innovasiya komandası Stokholmun daha ekoloji cəhətdən təmiz və özünü təmin edən şəhər olmasına kömək edəcək davamlı həllərin tapılması üzərində işləyəcək.