İspaniyada yeni il gecəsi maraqlı anlarla yadda qalıb. Paytaxt Madridin Puerta del Sol meydanına toplaşan vətəndaşlar yeni ili atəşfəşanlıqla qeyd ediblər. 

Yunanıstanın paytaxtı Afina şəhərinin sakinləri Yeni il şənliklərində iştirak etmək üçün Sintaqma meydanına toplaşıblar. 

Dünyanın yeddi möcüzəsindən biri olan Misirin Giza piramidaları ərazisində yeni il atəşfəşanlıqla qarşılanıb.

Rusiyanın paytaxtı Moskva yeni ilə müharibənin kölgəsində girib. Rusiya ilə Ukrayna arasında davam edən döyüş səbəbiylə heç bir atəşfəşanlıq olmayıb.

Bəhreynin Məhərraq şəhərində də Yeni il coşquyla qeyd edilib. 

Berlində Yeni il şənlikləri maraqlı anlarla yadda qalıb. Yeni il münasibəti ilə Almaniyanın paytaxtı Berlində tarixi Brandenburq qapısı qarşısında konsert keçirilib. Konsertdən sonra atəşfəşanlıq və işıq şousu olub. 

Belçikanın paytaxtı Brüsselin simvolik abidələrindən biri olan Atomiumun yerləşdiyi parka toplaşan vətəndaşlar 2025-ci ili atəşfəşanlıqla qarşılayıblar. 

Birləşmiş Ərəb Əmirliklərinin Dubay şəhərində Yeni il dünyanın ən hündür binası olan Bürc Xəlifədə qarşılanıb. 

Londonda Yeni il şənlikləri çərçivəsində "London Eye" ətrafında atəşfəşanlıq və işıq şouları təşkil edilib.

Seneqalda isə Yeni il şimaldakı Lompul səhrasında atəş rəqsləri ilə qeyd olunub.Dakardan təxminən 180 kilometr uzaqlıqdakı səhrada təşkil edilən əyləncədə ənənəvi rəqs və musiqi qrupu 'Ngueweul Rythme' Seneqala xas mahnı və rəqslər səsləndirib. 

Fransanın paytaxtı Parisdə Yeni il şənlikləri çərçivəsində Şamps-Élysées küçəsində atəşfəşanlıq və işıq şousu keçirilib. 

Tayvanın paytaxtı Taypeydə Prezident Sarayının qarşısında keçirilən Yeni il bayrağı qaldırma mərasiminə qatılan vətəndaşlar nümayişləri izləyib. Çinin yüksək rütbəli lideri Xi Jinping 31 dekabr Çərşənbə axşamı günü bəyanat verərək, ABŞ-ın Taypeyə son silah satışından sonra Pekinin muxtar ada və onun ətrafındakı hərbi varlığını artırması qarşısında heç kimin Çinin Tayvanla birləşməsinə mane ola bilməyəcəyini söyləyib. 

İtaliyanın Neapol şəhərində Yeni il şənlikləri çərçivəsində səma atəşfəşanlıqla işıqlandırılıb.