Karib hövzəsi ölkəsi Puerto-Rikoda elektrik stansiyalarında yaranan nasazlıq səbəbindən əhalinin 90 faizi işıqsız qalıb.

Elektrik enerjisinin ötürülməsinə cavabdeh olan “LUMA” Energy şirkətinin Xarici Əlaqələr Direktoru Xose Peres "Bizim prioritetlərimiz xəstəxanalar, hava limanları, polis məntəqələri və yanğınsöndürmə məntəqələridir. İşimiz davam edir, lakin bu, vaxt aparacaq.”-deyib.

İspaniyanın “EFE” xəbər agentliyinə müsahibə verən Puerto-Rikolu elektrik ustası Javier Corea elektrik stansiyalarında çalışan personalın tətildə olduğunu və nasazlığın yanvarın 2-dək davam edə biləcəyini bildirib.

Elektrik enerjisinin kəsilməsi səbəbindən Luis Munoz Marin Beynəlxalq Hava Limanı generatorlarla fəaliyyətini davam etdirməyə çalışır. Qatarların hərəkəti müvəqqəti olaraq dayandırılıb və ticarət mərkəzləri bağlanıb.Bu arada elektrik enerjisinin kəsilməsinin tez-tez artdığı ölkədə yüzlərlə insan hökumətə qarşı etirazlara başlayıb.