Ədliyyə Nazirliyinin Ədliyyə Akademiyası tərəfindən Nazirliyin əməkdaşları üçün "Mülkiyyətin insan hüququ haqqında beynəlxalq müqavilələrdə təminatı və Azərbaycan xüsusi hüququna təsiri" mövzusunda təlim keçirilib.

Azturkxeber.az xəbər verir ki, təlimdə mülkiyyət hüququnun insan hüquqları haqqında beynəlxalq müqavilələrdə təminatı, bu hüququn müdafiəsinə dair beynəlxalq hüquqi standartlar, mülkiyyət hüququna müdaxilənin əsasları və beynəlxalq normaların Azərbaycan xüsusi hüququna təsiri məsələləri müzakirə olunub.

41 əməkdaşın iştirak etdiyi təlimdə Almaniyanın Martin Lüter adına Halle-Vittenberq Universitetinin professoru, hüquq elmləri doktoru Azər Əliyevin təqdimatı dinlənilib.