Tamblinq üzrə milli komandamızın üzvü Tofiq Əliyev Böyük Britaniyada keçirilən iki yarışda uğurla çıxış edərək iki qızıl medal qazanıb.

Bubbarədə Azturkxeber.az-a Azərbaycan Gimnastika Federasiyasından məlumat verilib.

Təmsilçimiz əvvəlcə 2026-cı il üzrə Böyük Britaniyanın Milli Yaş Qrupları Finalında fəxri kürsünün ən yüksək pilləsinə qalxıb.

Daha sonra 2026-cı il üzrə Böyük Britaniya çempionatında iştirak edən gimnastımız uğurunu təkrarlayıb. O, final mərhələsində 29.100 xal toplayaraq qızıl medala sahib olub.

Beləliklə, Tofiq Əliyev iştirak etdiyi hər iki yarışı qızıl medalla başa vurub.