15 sentyabr – Bilik Günü münasibətilə Bakı Dəmiryol Vağzalında sərnişinlər üçün xüsusi tədbir keçirilib.

Azturkxeber.az xəbər verir ki, yeni tədris ilinin ilk günündə vağzala gələn sərnişinlər Azərbaycan Dəmir Yollarının (ADY) hazırladığı xüsusi hədiyyələrlə qarşılanıb. Səmimi təbriklər, xoş sürprizlər və pozitiv ab-hava günə xüsusi rəng qatıb.

Bilik Gününün yaratdığı xoş ovqatı sərnişinlərlə bölüşən ADY kollektivi yeni tədris ilində bütün şagird və tələbələrə uğurlar arzulayıb.

Qeyd olunub ki, hər yeni bilik yeni bir istiqamətin başlanğıcı, hər bir uğur isə gələcəyə aparan yolun mühüm mərhələsidir.