Azərbaycanın 16 yaşadək oğlanlardan ibarət Azərbaycan milli basketbol komandası Türkiyənin Yalova şəhərində keçirilən “EVOQ Challenge Cup Pre Season Yalova” beynəlxalq mövsümöncəsi hazırlıq turnirində çıxışını başa vurub.

Bu barədə Azturkxeber.az-a Azərbaycan Basketbol Federasiyasının (ABF) mətbuat xidmətindən bildirilib.

Millimiz qrup mərhələsində keçirdiyi üç oyunun hamısında qələbə qazanaraq finala yüksəlib.

Həlledici qarşılaşmada 21:47 hesabı ilə geri düşməsinə baxmayaraq, əzmkar mübarizə ilə oyuna qayıdan komandamız fərqi minimuma endirib və sonadək nəticə uğrunda mübarizə aparıb. Hesabı bərabərləşdirmək və önə keçmək imkanları qazanan millimiz sonda Konya Diltaş Basketbola 69:73 hesabı ilə məğlub olaraq turniri ikinci pillədə tamamlayıb.

Viktor Sanikidze Academy Basketball 43:94 Azərbaycan

Bakırköy Kartaltepe 54:65 Azərbaycan

Eskişehir Gelişim Falcons 53:54 Azərbaycan

Azərbaycan 69:73 Konya Diltaş Basketbol