Yenilənən infrastruktur, dayanıqlı yükdaşıma imkanları deməkdir.

Azturkxeber.az-a ADY mətbuat xidmətindən verilən məlumata görə,

Azərbaycan Dəmir Yolları (ADY) Alabaşlı–Qızılca dəmir yolu sahəsində əsaslı təmir işlərini yekunlaşdırmaq üzrədir.

1950-ci illərdə istismara verilən və ötən müddət ərzində ilk dəfə kompleks şəkildə yenilənən 20 kilometrlik bu xətt yükdaşımaların təhlükəsizliyini və səmərəliliyini artıracaq. Layihə çərçivəsində xüsusilə dəmir yolu infrastrukturu üçün zəruri olan çınqıl və qırmadaş kimi tikinti materiallarının təhlükəsiz və fasiləsiz daşınması təmin ediləcək.

Görülən işlər regionda logistika imkanlarının genişlənməsinə, yük dövriyyəsinin artmasına və dəmir yolu infrastrukturunun uzunmüddətli dayanıqlığına töhfə verəcək.