İsraildə təhlükəsizlik qüvvələri xəbərdarlıq edir ki, Türkiyə və Qətərin Qəzza sektorunun idarə olunmasında iştirakı HƏMAS-ın mövqeyini gücləndirə bilər.

Qəzza sektorunu nəzarətdə saxlayacaq komissiyanın tərkibi açıqlanandan sonra İsrailin təhlükəsizlik sistemi daxilində ciddi narahatlıqlar səsləndirilib. Siyahıda Türkiyə və Qətər də yer alıb. Bu isə hərbi və siyasi ekspertlər arasında dərin narahatlıq yaradıb.

Qətərin “Sülh Şurası”ndakı iştirakı HƏMAS-a maliyyə axınlarının bərpasına səbəb ola bilər. İsrail ordusunda gizli müzakirələr zamanı bildirilib ki, HƏMAS “güclü terror təşkilatına” çevrilib və bu, əsasən yüz milyonlarla dolların nağd şəkildə Qəzzaya axınması nəticəsində mümkün olub. Bu maliyyə vəsaitləri 7 oktyabr hadisələrindən əvvəl Qətərdən gəlmişdi.

İsrail ordusunun yüksək rütbəli zabiti izah edib ki, məsələn, hər tikinti materialı partiyası ikiqat məqsəd daşıyıb. Hər bir kiloqram sementin Qan Yunusda Qətər tərəfindən tikilən rayon üçün istifadə olunmasına qarşılıq üç kiloqram beton HƏMAS-ın tunellərinin inşasına gedib. O, əlavə edib ki, belə bir ssenarinin təkrarlanması qəbuledilməzdir və pul əvvəlcə mülki məqsədlərə sərf olunsa belə, nəticədə HƏMAS-ın Qəzzadakı mövqeyini möhkəmləndirəcək.

İsrailin keçmiş Milli Təhlükəsizlik Şurasının sədri, ehtiyat general-mayor Amidor isə bildirib ki, Türkiyə İsrailə qarşı düşmən münasibət göstərir və Prezident Ərdoğan “Müsəlman Qardaşlar” ideologiyası ilə bağlıdır. Onun sözlərinə görə, Türkiyənin Qəzza sektorunda iştirakı qəbuledilməzdir və bu, HƏMAS-ı gücləndirmək və İsrailə zərər vurmaq üçün əlverişli bir vasitə olacaq.