Barselonada yerləşən və tikintisinə 1882-ci ildə başlanan 'La Sagrada Familia' 144 illik tikintidən sonra 2026-cı ildə tamamlanacaq.

Ginnesin Rekordlar Kitabı tərəfindən edilən açıqlamada dünyanın ən uzunmüddətli aktiv tikinti layihəsi olan La Sagrada Familianın 2026-cı ildə tamamlanacağı bildirilib. La Sagrada Familia Bazilikası 1883-cü ildə Kataloniya memarı Antoni Qaudi tərəfindən qəbul edilmiş ən məşhur memarlıq əsərlərindən biridir.

1926-cı ildə tramvayın altında qalaraq dünyasını dəyişən Qaudi La Sagrada inşaatı tamamlaya bilməyib. İspaniya Vətəndaş Müharibəsi və İkinci Dünya Müharibəsi kimi tarixi hadisələr də binanın tamamlanmasına mane olub. Binanın 2026-cı ilə qədər tamamlanması planlaşdırılsa da, heykəllər, dekorativ detallar və əsas girişə aparan mübahisəli pilləkən üzərində işlərin 2034-cü ilə qədər davam edəcəyi gözlənilir.