Azərbaycan Dövlət Aqrar Universitetinin (ADAU) Tələbə Elmi Cəmiyyətinin (TEC) konfransı keçirilib.

Konfransda əvvəlcə şəhidlərin əziz xatirəsi bir dəqiqəlik sükutla yad olunub.

Tələbələr “COP-29” Azərbaycana nə verəcək?”, “Alternativ enerji mənbələri”, “Hərəkət izləyən robot”, “Suyun səviyyəsinin avtomatik idarə olunması”, “Telefonla idarə olunan robot”, "Əl hərəkətləri ilə idarə olunan robot", "Mühərriklərdə olan zədələnmələrin süni intellekt vasitəsilə təyin olunması", "Tesla bobini" mövzularında təqdimatlar ediblər.

Sonra suallar cavablandırılıb, mövzular ətrafında müzakirələr aparıblar.

Çıxış edən rektor Zəfər Qurbanov tələbələrin təqdimatlarını yüksək qiymətləndirərək, onlara gələcək elmi fəaliyyətlərində uğurlar arzulayıb. Bildirib ki, ADAU-da son illərdə nəzəri elmi biliklərin yüksək səviyyədə öyrənilməsi ilə yanaşı, praktiki biliklərin inkişafına da böyük önəm verilir.

Digər çıxış edənlər də təqdim olunan layihələrin onların praktiki bacarıqlarının inkişafına təkan verəcəyini bildirərək, konfransın işinə uğurlar arzu ediblər.

Sonda tələbələrə fəxri fərmanlar verilib.