Belçika üçün 2024-cü il meteoroloji ölçmələrin başladığı 1833-cü ildən bəri ən yüksək yağıntının qeydə alındığı il olub.

Kral Meteorologiya İnstitutunun  rəsmisi David Dehenauv sosial media hesabındakı paylaşımında yanvarın 1-dən ölkəyə 1088,8 millimetr yağıntının düşdüyünü bildirib. O, 2024-cü ilin meteoroloji ölçmələrin başladığı 1833-cü ildən bəri ən yağışlı il olacağını və 2001-ci ildəki 1088,5 millimetrlik yağış rekordunun aşıldığını əlavə edib.

Ölkə indiyə qədər 189 gün ərzində yağışa məruz qaldığı halda, gələn il iqlim dəyişikliyi səbəbindən yağışlar artmağa davam edə bilər.