Qırğızıstan və Özbəkistan sərhədlərin demarkasiyası razılaşmaları çərçivəsində əvvəllər Özbəkistanın Fərqanə vilayətinə aid olan Çon-Qara və Taş-Dobo kəndlərinin rəsmi mübadiləsi üçün təşkilati və texniki işlərə başlayıblar.

Azturkxeber.az xəbər verir ki, avqustun 3-də fəaliyyətə başlayan birgə işçi qrupu kəndlərdə sakinlərin qeydiyyatını aparır və sənədləşmə prosesini həyata keçirir.

Təxminən 2500 nəfər əsasən etnik qırğız sakinin yaşadığı bu yaşayış məntəqələrində qeydiyyat bitdikdən sonra onlara Qırğızıstan vətəndaşlığı veriləcək. Öhdəliklərə əsasən, Qırğızıstan bunun müqabilində Özbəkistana ekvivalent ölçüdə torpaq sahələri təqdim edəcək.