Kişi voleybolçuların Yüksək Liqasında pley-off mərhələsinə start verilib.

Gənclər və İdman Nazirliyinin Voleybol Mərkəzində təşkil olunan yarımfinal çərçivəsində ilk olaraq meydana “Murov Az Terminal” və “Neftçi” klubları çıxıblar. Bu oyunda birincilər 3:0 hesabı ilə qalib gəliblər.

Növbəti qarşılaşma isə “Azərreyl" və “Xilasedici” komandaları arasında olub. Bu oyunda da 3:0 hesabı qeydə alınıb. Görüşün qalibi “dəmiryolçular" olub.

Bu komandalar arasında ikinci oyun aprelin 18-də keçiriləcək. Reqlamentə əsasən, yarımfinal mərhələsi iki qələbəyədək davam edəcək. İki oyundan sonra tərəflər hərəyə bir qələbə qazanarlarsa (xallar da bərabər olarsa), finala vəsiqənin sahibi "Qızıl set"də müəyyənləşəcək.