Məlumata görə, bu artım Pekinin silahlı qüvvələrinin sürətlə müasirləşdiyi müddətdə və Birləşmiş Ştatlarla dərinləşən strateji rəqabətin olduğu vaxta təsadüf edir. Çin dünyanın ikinci ən böyük hərbi büdcəsinə malikdir, lakin o, əsas strateji rəqibi olan ABŞ-dan xeyli geridədir.

Hökumətin hesabatına görə, Pekin bu il müdafiəyə 1,78 trilyon yuan (245,7 milyard dollar) xərcləyəcək ki, bu, hələ də Vaşinqton büdcəsinin üçdə birindən azdır. Qeyd edək ki, Çinin hərbi büdcəsi iqtisadi inkişafı ilə paralel olaraq onilliklər ərzində artır.

Yeni müdafiə büdcəsi artımı Çinin artan regional mövcudluğunu və Tayvanla birləşmə siyasətini əks etdirir.

Rəsmi Pekin bildirib ki, Tayvanla birləşmə istiqamətində səyləri qətiyyətlə irəliləyəcək.Milli qanunverici orqana baxılmaq üçün təqdim edilən hökumətin iş hesabatına görə, ölkə Tayvan boğazı boyunca iqtisadi və mədəni mübadilələri və əməkdaşlığı təşviq etmək üçün institutları və siyasəti təkmilləşdirəcək və hər iki tərəfdə "Çin xalqının rifahını" artırmaq üçün inteqrə olmuş bir boğazlararası inkişafı davam etdirəcək.

Çin Tayvanı separatçı əyalət hesab edir, rəsmi Taypey isə onun müstəqilliyini müdafiə edir.

Çin həmçinin əlavə edib ki, o, “birtərəflilik və proteksionizmin bütün formalarına” qarşıdır və “beynəlxalq ədalət və hüququ” müdafiə edəcək.

"Ölkə bundan sonra da sülhsevər xarici siyasətə və dinc inkişaf yoluna sadiq qalacaq", -deyə bildirilib.