Hakim “Gürcü Arzusu-Demokratik Gürcüstan” partiyasının siyasi şurası Böyük Britaniya İcmalar Palatasında 14 deputatın Bidzina İvanişviliyə sanksiya tətbiq edilməsi təşəbbüsü ilə əlaqədar bəyanat qəbul edib.

Bu barədə “Gürcü Arzusu” partiyasından məlumat verilib.

Bəyanatda deyilir ki, heç bir əsas olmadan Gürcüstanı avtoritar idarəçilikdən xilas edən və ölkəyə demokratik keçid gətirən Gürcüstanın hakim partiyasının lideri sanksiyalarla hədələnir.

Məlum olduğu kimi, Böyük Britaniya İcmalar Palatasında 14 deputat Bidzina İvanişvilinin sanksiyalaşdırılması təşəbbüsü ilə çıxış edib. Bu təşəbbüsdən əvvəl Gürcüstan Daxili İşlər Naziri Vaxtanq Qomelauri və nazirliyin digər yüksək rütbəli məmurlarına Böyük Britaniya tərəfindən sanksiya tətbiq edilib.