Naxçıvan Muxtar Respublikasının Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Ramin Səfərov Şərur rayonunda yaşayan, 2003-cü ildə şəhid olan Cəfər Babayevin və 2020-ci ildə şəhidlik zirvəsinə yüksələn Əmrah İsmayılovun ailələrini ziyarət edib.

Ramin Səfərov şəhid Əmrah İsmayılovun vətənə əmanət övladı Xudaverdi İsmayılovun doğum günündə iştirak edib, təbriklərini çatdırıb.

Prezident İlham Əliyevin sərəncamları ilə şəhid Əmrah İsmayılov III dərəcəli “Vətənə xidmətə görə” ordeni, “Vətən uğrunda”, “Xocavəndin azad olunmasına görə”, “Füzulinin azad olunmasına görə” və “Şuşanın azad olunmasına görə” medalları ilə təltif olunub.

Görüş zamanı şəhidlərimizin əziz xatirəsinin daim qəlbimizdə yaşayacağı vurğulanıb. Bildirilib ki, Prezident İlham Əliyevin tapşırığına əsasən şəhid ailələri ilə bağlı geniş miqyaslı sosial dəstək tədbirləri həyata keçirilir.

Allah bütün şəhidlərimizə rəhmət eləsin!