Böyük Britaniya və Fransa hökumətləri arasında miqrantların geri qaytarılması ilə bağlı razılaşma üzrə danışıqlar aparılır.

Bu barədə Böyük Britaniyanın yol infrastrukturunun gələcəyi üzrə naziri Lillian Grinvud bildirib.

Razılaşma ilə bağlı yayılan məlumatlara görə, razılaşma çərçivəsində hər iki ölkə müəyyən şəxsləri qarşılıqlı şəkildə deportasiya edə bilər. Yəni, Britaniyadan bir nəfər çıxarıldıqda, Fransa da öz tərəfindən bir şəxsi geri göndərə bilər.

Böyük Britaniya Daxili İşlər Nazirliyinin nümayəndəsi isə qeyd edib ki, Fransa və bu problemlə üzləşən digər Avropa ölkələri ilə əməkdaşlıq gücləndirilir və immiqrant qaçaqmalçılığı ilə məşğul olan cinayətkar dəstələrin biznes modellərini dağıtmaq üçün yeni və innovativ tədbirlər araşdırılır.