Macarıstan enerji təchizatı sahəsində Avropa İttifaqının (Aİ) Rusiyaya qarşı yeni sanksiyalarını dəstəkləməyəcək.

Macarıstanın xarici işlər və xarici iqtisadi əlaqələr naziri Peter Siyarto bu barədə Lüksemburqda Avropa İttifaqı ölkələrindən olan həmkarları ilə görüşdən sonra deyib.

Nazir görüşdə Rusiyaya qarşı böyük 17-ci sanksiyalar paketi layihəsinin müzakirə olunduğunu və tədbirə videobağlantı vasitəsilə qoşulan Ukraynanın xarici işlər naziri Andrey Sibiqanın “Rusiyanın enerji resurslarına və nüvə sənayesinə qarşı sanksiyaların tətbiqini tələb etdiyini” vurğulayıb.

“Avropa İttifaqından bir neçə həmkarımız bu tələblərə qoşulub. Biz bunu heç bir şəkildə dəstəkləməyəcəyik”, - deyə Peter Siyarto M1 telekanalına müsahibəsində deyib.