Nasistlər tərəfindən 1940-cı ildə Belçikada yəhudi incəsənət kolleksiyaçısından oğurlanmış XVII əsrə aid bir rəsm əsəri 30 il Londonda saxlandıqdan sonra onun varislərinə qaytarılacaq.

Bu barədə Britaniya hökuməti məlumat yayıb. Samuel Hartveld və həyat yoldaşı nasistlərin təqiblərindən qaçaraq Antverpendən ayrılan zaman bir sıra əşyalarını, o cümlədən “Aeneas və ailəsinin yanan Troya şəhərindən qaçışı” adlı yağlı boya rəsmini geridə qoyublar.

Lakin nasistlər tərəfindən oğurlanmış əsərlərlə bağlı iddiaları araşdıran Britaniyanın müstəqil məsləhət qurumu məsələyə yenidən baxdıqdan sonra hökumət rəsmin Hartveldin varislərinə və nəticələrinə qaytarılmasına qərar verib.

1654-cü ilə aid olan bu əsər ingilis rəssam Henri Gibbs tərəfindən çəkilib və qədim yunan mifologiyasındakı Troya qəhrəmanı Aeneasın ailəsi ilə birlikdə şəhərin yandırılmasından sonra qaçışını təsvir edir. Rəsm 1994-cü ildə Londondakı “Tate Britain” qalereyası tərəfindən alınıb. Lakin ötən ilin mayında başlayan araşdırmadan sonra müstəqil itki üzrə məsləhət paneli onun geri qaytarılmasını təsdiqləyib.