Bu barədə ABŞ-nın yeni seçilmiş prezidenti Donald Tramp  açıqlama verib.  Tramp: “Girovlarla bağlı razılaşmamız var. Onlar tezliklə azadlığa buraxılacaqlar.” Razılaşma ilə fələstinli məhbusların və israilli girovların mərhələli şəkildə təhvil verilməsi və İsrail qüvvələrinin Qəzzanın mərkəzindən mərhələli şəkildə geri çəkiləcəyi gözlənilir. Razılaşmanın imzalanmasından sonra 24-48 saat ərzində atəşkəsin başlayacağı gözlənilir. 

İsrail təhlükəsizlik kabineti razılaşmanı təsdiqləmək üçün sabah toplanacaq. Təhlükəsizlik kabinetinin iclasından sonra atəşkəs və məhbus mübadiləsi sazişi hökumətin təsdiqinə təqdim olunacaq.

İsraildə nəşr olunan “Maariv” qəzeti  İsrail rəsmisinə əsaslanaraq verdiyi xəbərdə “Atəşkəs razılaşması təhlükəsizlik kabinetində  və hökumətdə çoxluğa malikdir” ifadəsini işlədib.