Rumıniyada keçirilən prezident seçkilərinin birinci turunda ən çox səs toplayan iki namizəd  dekabrın 8-də keçiriləcək ikinci turda üz-üzə gələcək.

Seçki qutusunun exit-polllarına görə, hökumətin əsas ortağı Sosial Demokrat Partiyasının (PSD) dəstəyini alan Baş nazir Marsel Çiolaku səslərin 25 faizini alaraq ikinci tura çıxan ilk namizəd olub.

Mərkəz sağçı Rumıniyanın Birliyini Xilas Partiyasından Elena Laskoni 18 faiz, Kalin Georgesku 16 faiz və ifrat sağçı Rumınların Birliyi Alyansının (AUR) lideri George Simion isə 15 faiz səs toplayıb.

Dekabrın 8-də keçiriləcək ikinci turda Çiolakunun  rəqibinin bu üç namizəddən biri olacağı gözlənilir. 

Qeyd edək ki, Avropa İttifaqı  və NATO üzvü olan Rumıniyada 9-cu seçkidə qalib gələn şəxs növbəti 5 il ərzində ölkənin prezidenti olacaq.