Oktyabrın 28-də doğma yurduna yola salınan köç karvanları Xocalı rayonunun Təzəbinə, Ballıca və Badara kəndlərinə çatıb. Bu mərhələdə köçürülən - Təzəbinə kəndində 72 nəfərdən ibarət 17 ailəyə, Ballıca kəndində 51 nəfərdən ibarət 13 ailəyə və Badara kəndində 62 nəfərdən ibarət 17 ailəyə mənzillərin açarları təqdim edilib. Mərasimdə Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəliyinin, Qaçqınların və Məcburi Köçkünlərin İşləri üzrə Dövlət Komitəsinin rəsmiləri iştirak ediblər. Təzəbinə, Ballıca və Badara kəndlərində daimi yaşayış üçün köçürülən ailələrə fərdi yaşayış evlərində mənzillər verilib.