Prezident Administrasiyasının Qeyri-hökumət təşkilatları ilə iş və kommunikasiya şöbəsinin QHT-lərlə iş sektorunun müdiri Tural Əliyev Kənd Təsərrüfatı Nazirliyi yanında İctimai Şuranın üzvləri ilə görüşüb.

Nazirlikdən verilən məlumata görə, görüş zamanı kənd təsərrüfatı nazirinin müavini Sarvan Cəfərov KTN yanında İctimai Şuranın ilk dəfə təşkil olunduğunu bildirib və Şura üzvləri haqqında məlumat verib.

Görüşdə çıxış edən İctimai Şuranın üzvləri fikirlərini bölüşüb, təkliflərini bildiriblər. Səsləndirilən təkliflər qeydə alınıb, İctimai Şura üzvlərinin sualları cavablandırılıb.