Mədəniyyət naziri Adil Kərimli Qətər Dövlətinin Milli Günü ilə bağlı tədbirlərdə iştirak edib
Azərbaycan Respublikasının mədəniyyət naziri Adil Kərimli 18 dekabr - Qətər Dövlətinin Milli Günü münasibətilə təşkil olunmuş rəsmi tədbirlərdə dəvətli qonaq qismində iştirak edib.
Qətər Dövlətinin Milli Təntənəli Tədbirlər Komitəsinin təşkilatçılığı ilə 18-20 dekabr tarixlərində Ummu Salal Məhəmməd rayonundakı Darbu Səin iqamətgahında keçirilən Milli Gün tədbirləri bu il “Səninlə birlikdə yüksəlir və səndən gözləyir” şüarı altında gerçəkləşib. Tədbirlər çərçivəsində Qətər Dövlətinin tarixi, milli dəyərləri, mədəni irsi və müasir inkişaf mərhələsini əks etdirən geniş proqram təqdim olunub.
Rəsmi proqram zamanı Azərbaycan Respublikası ilə Qətər Dövləti arasında mədəni əlaqələrin mövcud vəziyyəti və inkişaf perspektivləri müzakirə olunub. Qətər Dövlətinin mədəniyyət naziri Əbdürrəhman bin Hamad əl-Tani göstərilən diqqət və ehtirama görə Azərbaycan tərəfinə təşəkkürünü bildirərək iki ölkə arasında mədəni əməkdaşlığın daha da genişləndirilməsinin vacibliyini vurğulayıb.
Qeyd edək ki, Qətər Dövlətinin Milli Günü ölkənin dövlətçilik tarixinin, milli birliyinin və mədəni kimliyinin təcəssümü olmaqla yanaşı, hər il beynəlxalq qonaqların iştirakı ilə yüksək səviyyədə qeyd olunan mühüm dövlət bayramıdır.
Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
ADA Universitetində Prezident İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib YENİLƏNİB
“Yeni dünya nizamı: geosiyasi aspektlər və qlobal çağırışlar”
Azərbaycan Prezidenti İlham Əliyev yerli televiziya kanallarına müsahibə verib YENİLƏNİB
III Şuşa Qlobal Media Forumunun iştirakçıları ilə görüş keçirilib Prezident İlham Əliyev görüşdə iştirak edib
Azərbaycan Respublikası Konstitusiyasının qəbul edilməsindən 29 il keçir
