Noyabrın son həftəsi gündəlik orta hesabla 1459 uçuşun həyata keçirildiyi İstanbul hava limanı Avropanın ən işlək aeroportu kimi qeydə alınıb.

Bu barədə Avropa Hava Naviqasiyası Təhlükəsizliyi Təşkilatının (EUROCONTROL) noyabrın 24-30 tarixlərinə aid “Avropa Aviasiya Hesabatı”nda bildirilib.

Hesabata görə, ilk beşlikdə İstanbul hava¬ limanını gündəlik uçuş sayına görə London, Amsterdam, Paris və Frankfurt aeroportları izləyib.

İstanbulun Sabiha Gökçen beynəlxalq hava limanı isə bu siyahıya görə gündəlik 738 səfərlə Avropanın ən işlək 9-cu aeroportu olub.