Cari ilin yanvar-noyabr aylarında Azərbaycan İtaliyaya 6 141 532,2 min ABŞ dolları dəyərində 9 862 810,89 ton neft ixrac edib. Bununla da İtaliya Azərbaycanın ümumi neft ixracında yenə də birinci yerdə qərarlaşıb.

Azturkxeber.az xəbər verir ki, Dövlət Gömrük Komitəsinin hesabatında verdiyi məlumata görə, Azərbaycanın ümumi neft ixracında ikinci yerdə Çexiya qərarlaşıb. Hesabat dövründə bu ölkəyə 977 547,28 min dollar dəyərində 1 583 207,32 ton neft ixrac edilib.

Azərbaycanın neft ixracı üzrə siyahıda üçüncü yeri Xorvatiya tutur. Cari ilin yanvar-noyabr aylarında bu ölkəyə 873 398,61 min dollar 1 436 178,46 ton neft ixrac edilib.

Məlumata əsasən, qeyd olunan göstəricilərdə hesabat dövründə gömrük orqanlarında rəsmiləşdirilməsi başa çatdırılmış ixrac olunan neftin dəyərinə dair məlumatlar nəzərə alınıb.

Siyahıdan göründüyü kimi, hesabat dövründə 24 ölkəyə 13 304 395,4 min dollarlıq 21 555 781,63 ton neft ixrac edilib.

Azərbaycanın cari ilin yanvar-noyabr aylarında neft ixrac etdiyi ölkələrin siyahısını (statistik dəyəri və həcminə görə) təqdim edirik: