Tədqiqatçılar süni intellektin dəstəklədiyi yeni modelin bitkilərin genetik “dilini” anlaya biləcəyini irəli sürüblər. Bitki RNT-FM  adlanan və öz növünün ilki olduğu düşünülən model bitkilərin ribonuklein turşusu və ya RNT ilə öyrənilib. RNT əksər canlı orqanizmlərdə və viruslarda olan və DNT-yə bənzəyən böyük bir molekuldur. Bitkilərdəki hüceyrələr böyüməni koordinasiya etmək, necə və harada böyüməyi təyin etmək üçün RNT-dən istifadə edərək bir-biri ilə əlaqə qurur. Model dünya üzrə 1124 bitki növü arasında "genetik əlifba" təşkil edən 54 milyard RNT fraqmentindən ibarət məlumat dəstindən istifadə edib. Tədqiqatçıların fikrincə, model daha sonra OpenAI-nin ChatGPT chatbotunun insan dillərinə necə cavab verə biləcəyi kimi RNT-nin qrammatikasını və məntiqini başa düşməyi öyrənir.

Tədqiqatçılar RNT-nin funksiyaları haqqında fərziyyələr aparmaqdan əlavə, hüceyrənin transkriptomu boyunca RNT strukturunun spesifik nümunələrini aşkar etmək üçün modeldən istifadə ediblər. 

İngiltərədəki John Innes Mərkəzinin alimləri proqnozların təcrübələrlə təsdiqləndiyini və model tərəfindən müəyyən edilmiş RNT strukturlarının genetik məlumatın zülala çevrilməsinin effektivliyinə təsir etmək qabiliyyətinə malik olduğunu təsdiqlədiyini söyləyiblər. Bu dövr canlı hüceyrələrdə RNT modellərindən istifadə edərək zülalların istehsal olunduğu prosesə aiddir. Zülallar kimyəvi reaksiyalara başlamaqla demək olar ki, bütün hüceyrə proseslərində həlledici rol oynayır.

Müəlliflər bu tapıntılara əsaslanaraq, modelin bitki elmində və bəlkə də onurğasızlar və bakteriyalar üzərində tədqiqatlarda yeniliklərə imkan verə biləcəyini söyləyirlər. Onlar genetik kodumuz olan RNT və DNT dillərini başa düşmək üçün daha əhatəli yanaşmalar hazırlamağa ümid edirlər.
Mərkəzdəki komandaya rəhbərlik edən professor Yiliang Ding  "Bu kəşf bitkiləri başa düşmək və potensial olaraq proqramlaşdırmaq üçün yeni imkanlar açır ki, bu da məhsulun yaxşılaşdırılması və yeni nəsil süni intellektə əsaslanan gen dizaynı üçün əhəmiyyətli təsir göstərə bilər".

Süni intellekt bitki alimlərinə qlobal əhalini qidalandırmaqdan tutmuş dəyişən iqlim şəraitində yaşaya biləcək məhsullar yetişdirməyə qədər müxtəlif problemlərin həllində kömək etməkdə getdikcə daha çox əhəmiyyət kəsb edir.