Azərbaycan Respublikasının İnsan Hüquqları üzrə Müvəkkilinin (Ombudsmanın) Cənub Regional Mərkəzi tərəfindən Lənkəran ASAN Xidmət Mərkəzində “Fundamental hüquqlar” mövzusunda maarifləndirici tədbir təşkil olunub.
ASAN Xidmət Mərkəzinin əməkdaşları və könüllülərinin iştirakı ilə keçirilmiş tədbirdə Regional Mərkəzin rəhbəri Ziya İsmayılov Ombudsmanın insan hüquq və azadlıqlarının müdafiəsi istiqamətində fəaliyyəti barədə geniş məlumat verib.
Eyni zamanda, tədbir iştirakçıları müvafiq sahədə mövcud olan milli və beynəlxalq sənədlər, ölkəmizdə insan hüquq və azadlıqlarının səmərəli təmini istiqamətində aparılan hüquqi islahatlar haqqında da məlumatlandırılıblar.
Yekunda iştirakçıları maraqlandıran suallar ətraflı cavablandırılıb.