Bu barədə Türkiyənin Nəqliyyat və İnfrastruktur Naziri Abdulkadir Uraloğlu məlumat verib və bildirib ki, 17 aprel 2025-ci ildə İstanbul Hava Limanında təyyarələr üç uçuş-enmə zolağında eyni vaxtda enib qalxa biləcəklər. 

İstanbul Hava Limanının aviasiyada bir dönüş nöqtəsi olduğunu və bir çox yeni texnoloji sistemləri özündə birləşdirdiyini ifadə edən nazir bildirib ki, sərnişin tutumunun artırılması istiqamətində işlər davam edir. "Bununla biz əməliyyat gecikmələrini minimuma endirəcək, həmçinin yanacağa qənaət və uçuşun səmərəliliyini maksimum dərəcədə artıracağıq. İşə həmçinin tikilməkdə olan yeni uçuş-enmə zolaqları da daxil olacaq. Yeni uçuş-enmə zolaqlarının istifadəyə verilməsi ilə bir çox sahədə hava hərəkəti əməliyyatlarının səmərəliliyi artacaq”-deyə Abdulkadir Uraloğlu əlavə edib.