Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin müəssisələrində cari ilin birinci yarımilində ümumilikdə 22 min 552 uşağa reabilitasiya xidmətləri göstərilib.

Bu barədə agentlikdən məlumat verilib.

Bildirilib ki, onlardan əlilliyi olan 1089 uşaq stasionar, 13 min 240 uşaq ambulator, digərləri icmaəsaslı, onlayn, səyyar reabilitasiya xidmətlərinə cəlb edilib.

Bu kateqoriyaya şamil olanlar nazirliyin paytaxtda yerləşən 1 və 2 saylı Uşaq Reabilitasiya Mərkəzlərində, eləcə də Qəbələ və Şəmkir rayonlarındakı Uşaq Reabilitasiya Mərkəzlərində reabilitasiya xidmətləri ilə təmin olunurlar.