Milli Məclisin deputatı Bəxtiyar Əliyev Müstəqil Dövlətlər Birliyinin iştirakçısı olan dövlətlərin Parlamentlərarası Assambleyasının Elm və təhsil üzrə daimi komissiyasının iclasında iştirak etmək üçün Rusiya Federasiyasının Sankt-Peterburq şəhərində səfərdədir.

Azturkxeber.az-ın məlumatına görə bu barədə Milli Məclisin Mətbuat və ictimaiyyətlə əlaqələr şöbəsi xəbər verib.

İclasda “MDB iştirakçısı olan dövlətlərdə gənc istedadların inkişafı və dəstəklənməsi üçün normativ hüquqi bazaya dair tövsiyə layihələri haqqında”, “Uşaqların təhsili və tərbiyəsində valideyn məsuliyyəti haqqında” model qanunun layihələrinə və digər məsələlərə baxılacaq.

Səfər noyabrın 1-də başa çatacaq.