İspaniya Polisi Pablo Pikassonun 600 min avro dəyərində 1919-cu ilə aid olan rəsm əsərini tapıb. Ehtimal edilir ki, Madriddən Qranadaya göndərilərkən itən rəsm əsəri bəlkə də nəqliyyat vasitəsinə yüklənməyib.

Söhbət oktyabrın 3-də Madriddən Qranadaya sərgi üçün daşınarkən yük maşınından itdiyi güman edilən Pikassonun "Gitara ilə natürmort" tablosundan gedir. Xatırladaq ki, Pikassonun 1919-cu ildə çəkdiyi "Gitara ilə natürmort" rəsmi 56 əsərlə birlikdə Caja Granada Vəqfinin təşəbbüsü ilə keçiriləcək sərgi üçün anbara aparıldığı zaman itib və buna görə Fond polisə müraciət edib.