Donald Tramp administrasiyasında dövlət orqanlarına nəzarət funksiyasından imtina edən milyarder İlon Mask Ağ evin dövlət xərclərinə dair qanun layihəsini “iyrənc” adlandırıb.

İlon Mask ABŞ Prezidenti Donald Trampın təklif etdiyi xərclərlə bağlı qanun layihəsini “iyrənc” adlandırıb. Texnologiya milyarderinin Ağ evi tərk etməsindən sonra cütlük arasındakı gərginlik üzə çıxıb.

Mask keçən həftə federal xərclərin azaldılması proqramına rəhbərlik etdiyi üçün Tramp tərəfindən təriflənən rəsmi hökumət vəzifəsini tərk edib. O, özünə məxsus olan “X” sosial platformasında yazıb: “Konqresin bu kütləvi, həddini aşan, “donuz əti ilə dolu” xərcləmə qanun layihəsi bir iyrənclikdir. Bunun lehinə səs verənlərə ayıb olsun: səhv etdiyinizi bilirsiniz”.

Səhiyyə və ərzaq yardımı proqramlarında kəskin azalmalar fonunda bu, Maskın Trampın 10 illik üfüqdə ABŞ-ın büdcə kəsirlərinə 3 milyon dollar əlavə ediləcəyi ümidlərini puça çıxarıb. O bildirib ki, iyunun 3-də Konqres tərəfindən nəzərdən keçirilən qanun layihəsi vətəndaşları sarsıdıcı dərəcədə dayanıqsız borcla yükləyəcək.

Ritorikanın eskalasiyası Ağ ev ilə Trampın seçki kampaniyasına təxminən 300 milyon dollar bağışlayan, lakin son vaxtlar məyusluğunu dilə gətirən Mask arasında ciddi fikir ayrılıqları olduğunu göstərir. Ağ evin mətbuat katibi Kerolayn Levitt milyarderin tənqidinə cavab olaraq deyib: “Prezident artıq İlon Maskın bu qanun layihəsi ilə bağlı mövqeyini bilir, bu, onun fikrini dəyişdirmir”.

Dünyanın ən varlı adamı Trampın xərcləri azaldan siyasətindən imtina etdikcə, ABŞ Prezidentinin ona münasibəti də kardinal şəkildə dəyişir.