Azərbaycan Qida Təhlükəsizliyi Agentliyinin əməkdaşları Ağcabədi rayonu, H.Hacıyev küçəsi, 141 ünvanında fiziki şəxs Vəliyev Rahib Ədalət oğluna məxsus anbarda yoxlama aparıblar.

Agentliyin İnformasiya təminatı və innovativ həllər şöbəsindənverilən məlumata görə, yoxlama zamanı anbarda mənşə sənədləri olmayan konfet, yararlılıq müddəti bitmiş makaron və qarğıdalı yağı aşkarlanıb. Həmçinin istehlaka yararlı məhsullarla yararsız məhsulların birlikdə və birbaşa döşəmənin üzərində saxlanıldığı, işçi heyətin dövri tibbi müayinədən keçmədiyi və digər nöqsanlar müəyyən edilib.

Faktla bağlı sahibkar barəsində inzibati protokol tərtib edilib və icrası məcburi göstərişlər verilib.