“Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı” çərçivəsində 2026–2027-ci tədris ili üçün sənəd qəbulu 15 aprel 2026-cı il tarixindən başlayacaq.

Dövlət Proqramı çərçivəsində prioritet ixtisas sahələrinə uyğun bakalavriat, magistratura və doktorantura proqramlarının nüfuzlu xarici universitetlər üzrə siyahısı 12 yanvar 2026-cı il tarixində ictimaiyyətə təqdim edilib. Proqrama müraciət etmək üçün əsas şərtlərdən biri, həmin siyahıda yer alan universitetlərdən müvafiq sahə və proqram üzrə qəbul sənədinin əldə edilməsidir.

Proqrama müraciət üçün tələb olunan sənəd nümunələri ilə bu keçiddən tanış olmaq mümkündür.

Dövlət Proqramı ilə bağlı əlavə məlumat və suallar üçün aşağıdakı keçidlərdən istifadə edə bilərsiniz:

Bakalavriat / Magistratura: https://dp.edu.az/faq/

Doktorantura: https://dp.edu.az/uploads/fileuploads/2025/08/1715512f051845178834ccda81b368fc.pdf