Yaponiyada 100 və yuxarı yaşda olan insanların sayı 55-ci il dalbadal artaraq rekord həddə - 99 763 nəfərə çatıb. Yaponiya qocalmış əhali və aşağı doğum səviyyəsi səbəbindən çoxsaylı problemlərlə üzləşsə də, yüz yaşlıların sayı rekord qırıb.

Yaponiya Səhiyyə, Əmək və Rifah Nazirliyinin məlumatlarına görə, ölkədə 100 və daha yuxarı yaşda olan insanların sayı 55 il ərzində davamlı olaraq artaraq 2024-cü ildə 99 763 nəfərlə rekord həddə çatıb.

Bu, əvvəlki illə müqayisədə 4644 nəfər artım deməkdir. Qadınlar yüz yaşına çatmış insanların təxminən 88 faizini (87,784), 100-dən çox yaşamış kişilər isə təxminən 12 faizini təşkil edir.

2024-cü ildə gözlənilən ömür uzunluğu qadınlar üçün 87,13, kişilər üçün 81,09 təşkil edib.

Son məlumatlara görə, Yaponiyanın ən yaşlı insanı və ən yaşlı qadını Nara prefekturasında yaşayan 114 yaşlı Şiqeko Kaqavadır. Ölkənin ən yaşlı kişisi Şizuoka prefekturasında yaşayan 111 yaşlı Kyotaka Mizunodur.