Məlumata görə, Çexiya Almaniyadan 44 Leopard 2A8 əsas döyüş tankı alacaq. Fransız-Alman müdafiə şirkəti “KNDS” verdiyi açıqlamada, Çexiya Müdafiə Nazirliyi adından Almaniya Federal Avadanlıq, İnformasiya Texnologiyaları və İstifadə İdarəsi ilə “KNDS Deutschland” arasında Çexiyaya 44 Leopard 2A8 əsas döyüş tankının ilkin tədarükü üçün müqavilə imzalandığını açıqlayıb.

Müqaviləyə həmçinin ümumi sifariş dəyəri 1,34 milyard avro olan hərtərəfli xidmət və logistik dəstək daxildir. Həmçinin məlumat verilib ki, Çexiya daha 19 Leopard sistemi, o cümlədən xilasetmə, körpü tikintisi, mühəndislik və sürücülük məktəbi avtomobilləri almağı planlaşdırır və gələcəkdə bu sistemlər üçün ayrıca müqavilələr imzalanacaq.

Bu müqavilə ilə Çexiya Almaniya ilə birgə Leopard 2A8 satınalma proqramında iştirak edən üçüncü ölkə olur.Bu satınalma, xüsusilə, son illərdə Çexiyanın ən böyük müdafiə alışlarından biridir.