Azərbaycan Çin Beynəlxalq İnvestisiya və Ticarət Sərgisində iştirak edir
“Invest in Azerbaijan” stendində ölkəmizin biznes və investisiya mühiti və imkanları haqqında məlumatlar nümayiş olunur.
Çinin Fuciən əyalətinin Siamen şəhərində 25-ci Çin Beynəlxalq İnvestisiya və Ticarət Sərgisi (“CIFIT 2025”) işə başlayıb. İqtisadiyyat Nazirliyinin dəstəyi, Azərbaycanın Çindəki ticarət nümayəndəsi Aparatı və İxracın və İnvestisiyaların Təşviqi Agentliyinin – AZPROMO-nun təşkilatçılığı ilə “Invest in Azerbaijan” vahid ölkə stendi ilə təmsil olunan ölkəmiz sərgidə ikinci dəfə iştirak edir.
Bununla yanaşı, Azərbaycanın biznes və investisiya mühiti və imkanları haqqında məlumatlar nümayiş olunur. Bununla yanaşı, stenddə Ələt Azad İqtisadi Zonasında, Qarabağ və Şərqi Zəngəzur iqtisadi rayonlarında və Naxçıvan Muxtar Respublikasında investorlara təklif olunan imtiyazlar, ölkəmizin nəqliyyat-tranzit potensialı, turizm perspektivləri təqdim olunur.
Həmçinin AZPROMO, Kiçik və Orta Biznesin İnkişafı Agentliyi (KOBİA), İqtisadi Zonaların İnkişafı Agentliyi (İZİA), Dördüncü Sənaye İnqilabının Təhlili və Koordinasiya Mərkəzi (4SİM) və Dövlət Neft Fondunun fəaliyyət istiqamətləri barədə məlumatlar, vizual və çap materiallar təqdim olunur. Bununla yanaşı, stenddə “Made in Azerbaijan” məhsulları nümayiş olunduğu “Azərbaycan Ticarət Ev”ləri guşəsi də təşkil olunub.
Siamendə səfərdə olan Baş nazirin müavini Şahin Mustafayevin rəhbərlik etdiyi Azərbaycan nümayəndə heyəti “CIFIT 2025” sərgisini ziyarət edib, Azərbaycan stendi ilə tanış olub.
Sentyabrın 11-dək davam edəcək və 50-dən çox ölkə stendinin yer aldığı sərgiyə 110-dan çox ölkə və regiondan nümayəndə heyətləri iştirak edir.
Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
III Şuşa Qlobal Media Forumunun iştirakçıları ilə görüş keçirilib Prezident İlham Əliyev görüşdə iştirak edib
ADA Universitetində Prezident İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib YENİLƏNİB
Azərbaycan Prezidenti İlham Əliyev yerli televiziya kanallarına müsahibə verib YENİLƏNİB
Milli Məclisin iclasında
Pekində Azərbaycan-Çin sənədləri imzalanıb
