Şimali Makedoniyada keçirilən “Skopye-2025” XVIII Avropa Gənclər Yay Olimpiya Festivalında güllə atıcılığı üzrə ölkə təmsilçilərimiz Leyli Əliyeva və Oleq Kerjankin 10 metr məsafəyə pnevmatik tapançadan duet yarışında yüksək nəticə göstərərək yarışın gümüş medalçıları olublar.

Qeyd edək ki, gənc idmançılarımız ilkin mərhələdə ən yüksək nəticə ilə çıxış edərək finala birinci olaraq vəsiqə qazanıblar və bu nəticə ilə Avropa rekordu müəyyən ediblər. Gərgin mübarizə şəraitində keçən final mərhələsində isə Leyli və Oleq 2-ci yeri tutaraq yarışın gümüş medalına sahib olublar.