Yaponiyadan ABŞ-a ixrac ediləcək məhsullara 15 faiz gömrük rüsumu tətbiq ediləcək.

Prezident Donald Tramp sosial şəbəkə hesabında məlumat verib.

“Biz indicə Yaponiya ilə razılığa gəldik. Bu anlaşma bizə minlərlə yeni iş yeri yaratmağa imkan verəcək” – deyə Tramp qeyd edib.

Prezident həmçinin xatırladıb ki, Yaponiya ABŞ-a 550 milyard dollar sərmayə qoymağa da razılıq verib.

Qeyd edək ki, rəsmi Vaşinqton Yaponiyadan idxal edilən mallara 25 faiz rüsum tətbiq ediləcəyini bildirmişdi. Bundan sonra isə tərəflər rüsumların endirilməsi üçün danışıqlara başlamışdılar.