Azərbaycan İdman Akademiyası UEFA tərəfindən dəstəklənən beynəlxalq layihəyə qoşulub
Azərbaycan İdman Akademiyası qadın futbolçular arasında zədələrin qarşısının alınmasına yönəlmiş beynəlxalq layihəyə qoşulub. UEFA və UEFA Akademiyasının dəstəyi ilə həyata keçirilən təşəbbüs Mərkəzi və Şərqi Avropa ölkələrini əhatə edir.
Sözügedən layihənin rəhbəri Böyük Britaniyanın King’s College London ali təhsil müəssisəsinin və ASA-nın həkimlər üçün olan “İdman tibbi və reabilitasiya” magistr proqramının müəllimi
Paulina Kloskovskadır. Akademiya tərəfindən layihənin koordinatorları isə Akademiyanın Tədris işləri üzrə prorektorunun müşaviri Zərifə Kamilova və İdman Tibbi Tədqiqatları Laboratoriyasının meneceri Rauf Əliyevdir.
Layihə Polşa Futbol Federasiyası ilə əməkdaşlıq çərçivəsində gerçəkləşir və qadın futbolunda zədələrin qarşısının alınması üzrə yerli ehtiyaclara uyğun elmi yanaşmaların inkişafını hədəfləyir. Təşəbbüsdə Azərbaycanla yanaşı, Xorvatiya, Estoniya, Latviya və Sloveniya futbol federasiyaları da iştirak edir. Layihənin müşahidə və tövsiyə şurasında isə idman elmləri sahəsində beynəlxalq nüfuza malik mütəxəssislər – Kay Krossli, Coann Kemp, Andrea Bruder və Bruk Patterson yer alır.
Azərbaycan İdman Akademiyasının layihəyə tərəfdaş seçilməsi ölkənin idman təhsilinin beynəlxalq səviyyədə tanınmasının və qadın idmanının inkişafına töhfəsinin göstəricisi kimi qiymətləndirilir.
Layihə çərçivəsində qarşıdakı aylarda ilkin nəticələr və tədqiqat materialları ictimaiyyətə təqdim olunacaq.
Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
Elmin zərif işığı: Akademik Zərifə Əliyevanın əbədi irsi
ADA Universitetində Prezident İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib YENİLƏNİB
Azərbaycan Prezidenti İlham Əliyev yerli televiziya kanallarına müsahibə verib YENİLƏNİB
III Şuşa Qlobal Media Forumunun iştirakçıları ilə görüş keçirilib Prezident İlham Əliyev görüşdə iştirak edib
XX əsrin görkəmli oftalmoloqu Zərifə xanım Əliyeva və onun elmi fəaliyyəti
