Bakıda saxlanılan Rusiya vətəndaşlarının analarına onlarla görüşməyə icazə verilib.

Bizim.Media xəbər verir ki, görüşlərin təşkilində Ombudsman Səbinə Əliyeva yardım edib.

Saxlanılan Rusiya vətəndaşlarının sözlərinə görə, saxlanma şəraitindən şikayətləri yoxdur, onların bütün ehtiyacları təmin olunur.

Rusiya Federasiyasının konsulu dəfələrlə onları ziyarət edib və saxlanma şəraitinin normalara uyğun olduğunu təsdiqləyib.

Qeyd edək ki, iyulun 1-də Bakıda İrandan narkotik vasitələrin tranzitində, onlayn dövriyyəsində və kiberdələduzluq cinayətlərində şübhəli bilinən iki mütəşəkkil cinayətkar dəstə saxlanılıb.

Bizim.Media