Azərbaycan Şahmat Federasiyası tərəfindən Xaçmazda keçirilən regional şahmat turnirinin qalibləri mükafatlandırılıb.

20 İyul – Beynəlxalq Şahmat Gününə həsr olunan turnirdə Xaçmaz, Quba, Qusar, Şabran və Siyəzən rayon məktəblilərindən ibarət komandalar mübarizə aparıb.

Yarışın nəticələrinə əsasən, komandalar arasında Xaçmaz I yeri, Quba II yeri, Şabran isə III yeri qazanıb.

Mükafatlandırma mərasimində Azərbaycan Şahmat Federasiyasının Qadın və Sosial Komissiyasının sədri, beynəlxalq qrossmeyster Zeynəb Məmmədyarova, Yeni Azərbaycan Partiyası Xaçmaz rayon təşkilatının sədri Məhəmməd Balaqadaşov və Quba-Xaçmaz Regional Gənclər və İdman İdarəsinin rəisi Qumru Məmmədova çıxış edərək, ölkəmizdə şahmata, həmçinin digər idman növlərinə göstərilən dövlət qayğısından danışıb, qalibləri təbrik ediblər.

Qaliblərə diplom, medal və kuboklar təqdim olunub.