Müasir Azərbaycanın qurucusu kimi tarixə düşən Heydər Əliyev ölkənin inkişafında və möhkəm dövlət təməllərinin formalaşmasında misilsiz rol oynamışdır. Onun rəhbərliyi ilə Azərbaycanın gələcəyini müəyyən edən strateji istiqamətlər müəyyənləşdirilmiş, dövlət quruculuğu prosesi sistemli şəkildə həyata keçirilmişdir.

Heydər Əliyev təkcə siyasi və idarəetmə sahəsində deyil, eyni zamanda iqtisadiyyat, təhsil, mədəniyyət, ordu və diplomatiya sahələrində də əsaslı islahatlar həyata keçirmişdir. O, 1990-cı illərin əvvəllərində ölkənin qarşılaşdığı xaos və parçalanma təhlükəsinin qarşısını alaraq sabitlik və inkişaf yolunu açmışdır.

Ulu öndərin təşəbbüsü ilə qəbul edilən Konstitusiya, neft strategiyası, xarici siyasətdə balanslı mövqe, milli maraqların qorunması istiqamətində atılan addımlar Azərbaycanın beynəlxalq aləmdə tanınmasına və güclənməsinə səbəb olmuşdur.

Bu gün Azərbaycanın əldə etdiyi uğurların əsasında məhz Heydər Əliyevin uzaqgörən siyasəti, qətiyyətli qərarları və xalqına olan sarsılmaz inamı dayanır. Onun ideyaları bu gün də ölkənin inkişafına yön verir və müstəqil dövlətimizin yolunu işıqlandırır.

Azturkxeber.az Sahilə Bayramlı