İyulun 9-da Avstriyanın paytaxtı Vyanada 9-cu OPEC Beynəlxalq Seminarı çərçivəsində rəsmi ziyafət təşkil edilib.

Vyana Şəhər Bələdiyyəsinin tarixi binasında baş tutan tədbirə OPEC-in Baş katibi Haysam Əl-Qays ev sahibliyi edib. Enerji sahəsində nüfuzlu qonaqların iştirak etdiyi ziyafət rəsmi Seminar proqramının mühüm hissəsi sayılır və iştirakçılar üçün qeyri-rəsmi mühitdə fikir mübadiləsi və əlaqələrin gücləndirilməsi imkanı yaradır.

“Birgə yol xəritəsi: Qlobal enerjinin gələcəyi” mövzusunda keçirilən 9-cu OPEC Beynəlxalq Seminarında AZƏRTAC rəsmi media tərəfdaşı kimi iştirak edir. İyulun 10-da Seminar çərçivəsində “COP29-dan COP30-a doğru” adlı yüksəksəviyyəli panel müzakirəsi təşkil olunacaq.