İyulun 9-da “UTair” aviaşirkətinin Gəncə Beynəlxalq Hava Limanından Moskva şəhərinə (Vnukovo Aeroportu) həyata keçirilməsi planlaşdırılan UT744 nömrəli reysi hava gəmisi kapitanının qərarı ilə texniki səbəbdən təxirə salınıb.

Beynəlxalq hava limanından bildirilib ki, sərnişinlərin rahatlığını təmin etmək məqsədilə onlar otelə yerləşdirilib və digər zəruri xidmətlərlə təmin olunub.

Təxirə salınmış uçuşun iyulun 10-da saat 15:00-da həyata keçirilməsi planlaşdırılır.

Sərnişinlər uçuşun dəqiq statusu və əlavə məlumat üçün “UTair” aviaşirkəti ilə əlaqə saxlaya bilərlər.