İqlim fəlakətləri (quraqlıq, daşqın, yanğın, sel) 2030-cu ildə avrozona ölkələrinə ümumi daxili məhsulun (ÜDM) 5 faizi həcmində ziyan vuracaq.

Bu barədə Avropa Mərkəzi Bankının (AMB) son araşdırmasında deyilir. Araşdırma zamanı müxtəlif ssenarilər, bankların və dövlət qurumlarının məlumatları təhlil edilib.

Qeyd olunur ki, anomal istilik zamanı əmək məhsuldarlığı aşağı düşür, təbii fəlakətlər zamanı infrastruktur dağılır. Bu şəraitdə inflyasiya yüksəlir, kreditlərin əlçatanlığı aşağı düşür. Bu vəziyyətin qarşısını almaq üçün yaşıl iqtisadiyyata keçid şərtdir.