Yaxın vaxtlarda Körfəz Ərəb Dövlətlərinin vahid turist vizası olacaq.

Bunu Körfəz Ərəb Dövlətləri Əməkdaşlıq Şurasının Baş katibi Casim əl-Budeyvi üzv dövlətlərin pasport idarələrinin Baş direktorlarının Ər-Riyadda keçirilmiş 39-cu görüşündə bildirib.

Tədbirdə, həmçinin vahid turist vizası ilə bağlı texniki şöbələrin gördüyü işlər müzakirə olunub.

Qeyd edək ki, 2023-cü ildə Əməkdaşlıq Şurasının üzvləri Səudiyyə Ərəbistanı, Birləşmiş Ərəb Əmirliyi, Qətər, Bəhreyn, Küveyt və Oman Şengen zonası modelində vahid viza zonasının yaradılması qərarına gəliblər.